Ruskovska: Nuk ka vlerësime se sa kushtojnë prezantimet materiale për rastin “Haraçi”

14:23 | 30 Janar 2020
Arbresh.info

Nuk ka vlerësime se sa do të kushtojnë dëshmitë materiale të cilat u prezantuan sot në rastin “Haraçi”, deklaroi prokurorja Vilma Ruskovska.

Prokurorja prezantoi dëshmitë materiale, saktësisht janë prezantuar materialet e marra nga Bojan Jovanovski, Katica Janeva dhe Zoran Milevski.

Jovanovski ka kërkuar nga gjykata që të gjitha pjesët e marra të sillen në gjykatë dhe të prezantohen një nga një, por gjykatësja e refuzoi një gjë të tillë.

Për dëshminë e prokurores Lile Stefanova se gjykatësja Dobrila Kacarska ishte e pranishme në Gjykatën Penale gjersa po vendosej për rastin “Haraçi”, ajo tha se dikush ka njohuri se ndonjë gjyqtarë ka vepruar në mënyrë joprofesionale, ajo atëherë duhet të paraqitet në Këshillin Gjyqësorë.